نن څه باندي (۱۲) بجې د هلمند ولایت ګرشک ولسوالۍ سربند سېمه کې د هاوان نا چاوده مرمۍ د چاودنې له امله یو ماشوم خپل ژوند د لاسه ورکړی او دوه نور ټپیان سوي دي.
دګرشک ولسوالۍ ویاند باختر آژانس خبریال ته وویل چې په یاده سېمه کې د درې تنو ماشومانو له لوري د هوان زړې مرمۍ ټکولو له امله چاودنه رامنځته سوې، چې په ترڅ کې يې یو ماشوم شهيد او دوه نور ټپيان سوي دي؛ چې ټپيان د مجاهدینو له لوري درملنې په موخه د ګرشک ولسوالۍ روغتون ته لېږدول سوي دي .
په یاده سیمه کې ځایي اوسیدونکو د باختر آژانس سره د خبرو پر مهال وویل چې له جګړې څخه پاتې ناچاوده توکي لا هم په یاده سیمه کې شتون لري د دوی په ووینا چې ناچاوده توکي د ډیرو افغانانو ژوند د خطر سره مخ کړی.
نېټه؛۱۴۴۳/۶/۲۴ هــ ق.
